Busturialdeko Hitza

Domekan izango da Elantxobeko XX. Bandera eta Urdaibai Biosfera Erreserbako bosgarrena. Elantxobe Arraun Elkarteak boluntarioak behar ditu egun horretan antolaketa lanetan laguntzeko. Izan ere, herri berezia da Elantxobe eta trafikoa zuzentzeko ere jende nahikotxu beharko dute. Porturako sarrera zarratuta egongo da.
Eguna bera ere berezia izango da. Busturialdeak etxean jokatuko duen lehenengo estropada izango baita. Elantxobe Arraun Elkarteak ere 1998an atera zuen azkenengoz trainerua. Ez da festa girorik faltako herrian. Patxi Egurrola Busturialdeko presidente eta arraunlariaren esanetan urduri daude domekarako.
12:00etan hasiko dira estropadak eta KAE ligako bigarren mutzokoentzako hirugarren neurketa izango da. Busturialdea hirugarren txandan aterako da Hernani, Portugalete eta Castrogaz. Izan ere, lau talde hauek izan dira onenakorain arteko bi estropadetan.