Busturialdeko Hitza

Udalerriaren historia biltzen duen liburua argitaratu du Udalak

ElantxobeCepedaren, Lopez Quintanaren eta Maguregiren artean egin dute `Itsasoaren besarkada´ liburu berria.

D. Lauzirika

Berriki `Elantxobe, itsasoaren besarkada´ liburua argitaratu du Udalak. Xarles Cepeda ornitologoak idatzi eta koordinatu du lana. Jon Maguregik atera ditu argazkiak. Juan Carlos Lopez Quintanak arkeologoak, berrriz, historiaurreari buruzko atala idatzi du.

Liburua hiru atal nagusitan banatua dago: historia (historiarruea, eta udalerriaren sorreraren historia), adineko herritarren bizipenak eta ondarea (ondare ekologikoa eta ondare artistiko-historiko-etnografikoa). Horrez gain, `Elantxobe, itsasoaren besarkada´ liburuak udalerritik igarotzen diren ibilbide bien inguruko informazioa jasotzen du.

119 orri dituen liburua udaletxean eskuratu daiteke. 400 ale atera dituzte guzira, eta horretarako Eusko Jaurlaritzako Ingurumen eta Lurralde antolamendu Sailaren laguntza izan dute.